07 июня 2017 г.
Сăн ÿкерчĕкре Йÿçкассинчи ватă çынсемпе инвалидсен интернат çурчĕн ертÿçине Валентина Шивиревăна куратăр. Вăл социаллă сферăна питех те лайăх ăнланать, интернат уçăлнă кунранпах çăмăл мар ĕçре тăрăшать.
Интернат 50 вырăнлă, паянхи кун тĕлне вăл тулли. Коллективра 35 çын тимлет, кашниех шаннă ĕçе тÿрĕ кăмăлпа пурнăçласа пырать. Çавăнпа хисеплеççĕ те вĕсене хÿтлĕх тупнисем.
- Социаллă сферăра тăрăшма тÿр килнипе эпĕ кăмăллă. Кашни кунхи ĕç тимлĕх кирлĕ çынна пулăшу парассипе çыхăннă, вĕсен тав сăмахĕ чуна çемçетет. Тепĕр чухне ватă çынсемпе юнашар ларса вĕсен хуйхи-суйхине пайлама та тÿр килет, - кулленхи ĕçпе паллаштарать хастар ертÿçĕ.
Р. Илларионова сăн ÿкерчĕкĕ.