27 мая 2017 г.
Мĕн авалтанах кĕнеке пĕлÿ çăлкуçĕ шутланнă. Ку пысăк тупрана библиотекарьсем упраççĕ, вулакансем патне çитереççĕ. Паян вĕсен - професси уявĕ.
Сăн ÿкерчĕкре Шомик библиотекинче вăй хуракан Вера Измайловăна куратăр. Вăл çак ĕçре тимлеме тÿр килнипе кăмăллă. Кулленех çынсемпе тĕл пулса калаçма, вĕсен ыйтăвне тивĕçтерме, тĕрлĕ изданипе паллашма май пур. Вера Михайловна мероприятисем ирттернине те лайăхпа хаклать, вăл каланă тăрăх, çынсем пуçаруллă.
Çынсен ыйтăвне кура библиотекăра тĕрлĕ кружок ĕçлет. Унта çÿрекенсем ал ĕçĕсемпе тата вĕсен вăрттăнлăхĕпе паллашаççĕ, пĕрле кĕнеке вулаççĕ. Куçса çÿрекен библиотека вара ватă çынсемшĕн тата тухса çÿрессинче йывăрлăх туякансемшĕн меллĕ. Юлашки вăхăтра патшалăх тата муниципалитет услугисемпе тивĕçтерессипе те ĕçлеме тивет.
Вера Михайловнăна уяв ячĕпе саламлатпăр. Малашне те тăрăшса ĕçлеме ăнăçу сунатпăр.
Р. Илларионова
сăн ÿкерчĕкĕ.