08 апреля 2017 г.
Паянхи куна илес пулсан, автомобиль çулĕсене йĕркеллĕ шайра тытса тăрасси, юсав ĕçĕсене вăхăтра туса ирттересси пысăк пĕлтерĕшлĕ ĕç пулса тăрать. Çавна май çуллен çурхи кунсем çитсен районти автомобиль çулĕсем çинче ваннă вырăнсене йĕркене кĕртессипе ĕçсем пуçланаççĕ.
Çак вăхăта кун пек ĕçсем район территорийĕнче пуçланчĕç ĕнтĕ. Юсав ĕçĕсене "Автодорсервис" ООО ĕçченĕсем пурнăçлаççĕ. Сăн ÿкерчĕкре общество ĕçченĕсене Н. Осипова, Т. Поликарповăна, Н. Алексеева, М. Алешина, Г. Григорьева, А. Алексеева, Г. Анекшева тата Ю. Васильев маçтăра (сылтăмри) куратăр. Маçтăр çак вăхăта ĕçсене Ильинка, Мăн Сĕнтĕр, Хорнуй ял тăрăхĕсен территорийĕсенче 100 тăваткал метр ытла туса ирттерме ĕлкĕрни пирки каласа пачĕ.
В. ШАПОШНИКОВ сăн ÿкерчĕкĕ.