04 февраля 2017 г.
Чăваш Республикин Пуçлăхĕн кубокне çĕнсе илессишĕн иртекен шкул ачисен спартакиади шучĕпе январĕн 28-мĕшĕнче ирĕклĕ майпа кĕрешессипе турнир иртрĕ.
Ăмăртура уйрăм кĕрешÿçĕсене те, командăри чи лайăх 10 кăтартăва шута илсе тунă пĕтĕмлетÿпе малти вырăнсене тухнисене те чысларĕç.
Муркаш районĕнчи "Сывлăх" спорт шкулĕн кĕрешÿçисен команди спартакиадăна активлă хутшăнчĕ. Пĕрлештернĕ командăри Анастасия Васильева хăйĕн виçе категорийĕнче 3-мĕш вырăн йышăнчĕ, Андрей Павлов 2-мĕш вырăна тивĕçрĕ. Çавăн пекех спорт шкулĕн Москакасси уйрăмĕнче ăсталăха туптакан Павел Алексеевăн, Владимир Петровăн, Алексей Бычковăн тата Мăн Сĕнтĕр шкулĕнче вĕренекен Анна Алексееван кăтартăвĕсем командăн пĕтĕмĕшле кăтартăвĕ çине лайăх витĕм кÿчĕç.
А. Федоров,
тренер.