04 февраля 2017 г.
Чăваш Енре пурăнакансем те Раççей Федерацийĕн патшалăх наградисене тивĕçрĕç.
Çакна çирĕплетекен "О награждении государственными наградами Российской Федерации" 34 номерлĕ Указа РФ Президенчĕ В. Путин алă пуснă.
Наградăна тивĕçнисен йышĕнче Муркаш районĕнчи Иштерек ялĕнче пурăнакан Яковлевсен çемйи те пур. Юрий Игнатьевичпа Нина Геннадьевна ачасене воспитани парассинче тата çемье традицийĕсене çирĕплетессинче тава тивĕçлĕ ĕçсем тунăшăн "Родительская слава" ордена тивĕçнĕ.
Яковлевсен нумай ачаллă çемйине пысăк наградăна тивĕçнĕ ятпа саламлатпăр. Вĕсем çинчен хаçатăн малаллахи номерĕсенче каласа парăпăр.
Н. Николаева.