Публикации » Конкурссенче мала тухнă

21 декабря 2016 г.

"Патриотизм çемьерен пуçланать" ятпа ачасем, çамрăксем тата библиотекарьсем хушшинче иртнĕ пултарулăх ĕçĕсен республика конкурсĕн итогĕсене пĕтĕмлетнĕ. Конкурса Чăваш Республикин ачасемпе çамрăксен библиотеки йĕркеленĕ. 7 - 10 çулсенчи шкул ачисен ушкăнĕнче мала тухнисем хушшинче - Муркаш шкулĕнче вĕренекен Святослав Косарев. Çĕнтерÿçĕ дипломпа парнене тата сертификата тивĕçнĕ.

РФ сывлăх сыхлав ĕçченĕсен профсоюзĕн республика организацийĕ вара "Ăруран ăрăва медицина - манăн хавхалану!" ятпа сăн ÿкерчĕксен конкурсне йĕркеленĕ. Унта пуçламăш профсоюз организацийĕсемпе çамрăксен канашĕсене те явăçтарнă. Жюри пĕтĕмлетĕвĕпе "Професси - çемье традицийĕ" номинацире Муркаш район тĕп больницин пуçламăш профсоюз организацийĕ çĕнтерÿçĕ пулса тăнă. Ĕç авторĕ - реаниматолог-анестезиолог врач Галина Кузнецова. Ăна диплом парса палăртнă.

Хамăр инф.