21 декабря 2016 г.
Пĕлетпĕр ĕнтĕ, паян пĕтĕм республикипех Пĕрлехи информаци кунĕ иртет. Района информаци кунне ирттерме республика тĕп хулинчен ЧР гражданла оборона тата чрезвычайлă лару-тăру ĕçĕсен патшалăх комитечĕн председателĕ В. Петров ертсе пыракан ушкăн килет.
Ку хутĕнче ял çыннисемпе, ĕç коллективĕсемпе йĕркелекен тĕл пулусенче Раççей Президенчĕн В. Путинăн РФ Федераци Пухăвне янă Çырăвне сÿтсе яваççĕ, кунсăр пуçне Чăваш Республикин Пуçлăхĕн 2017 çулта республикăра Амăшĕн тата Ашшĕн çулталăкне ирттересси пирки калакан указне пурнăçа кĕртесси, пахалăхсăр алкоголь тата спирт продукцине сарăлма парас марри, Çĕнĕ çул тата Раштав уявĕсем вăхăтĕнче, çавăн пекех хĕллехи тапхăрта пушар тухасран асăрханасси пирки калаçаççĕ, ял çыннисен ыйтăвĕсене хуравлаççĕ.
Тĕл пулусене кашни ял тăрăхĕнчех йĕркелеме палăртаççĕ.
Хамăр инф.