17 декабря 2016 г.
Декабрĕн 11-мĕшĕнче Пермь хулинче каратэ-до енĕпе иртнĕ Раççей чемпионатне муркашсем те хутшăнчĕç. Вĕсем Шупашкар, Çĕнĕ Шупашкар, Улатăр хулисен çамрăк спортсменĕсемпе пĕрле Чăваш Республикин чысне тивĕçлĕ хÿтĕленĕ: ачасем 3 ылтăн, 6 кĕмĕл тата 9 бронза медаль çĕнсе илнĕ.
Владимир Бардасов тренер ертсе пынипе Муркашри вăтам шкулта вĕренекен Антон Сатриванов, Святослав Косарев, Наталья Шарапова тата Дарья Михайлова тĕрлĕ номинацире наградăсене тивĕçме пултарнă. Тренер хăй те ачасене ырă тĕслĕх кăтартнă - ăмăртусенчен пĕринче çĕнтерÿçĕ пулса тăнă.
В. БАРДАСОВ.