Публикации » Леонид Черкесов депутат муркашсене йышăнчĕ

26 ноября 2016 г.

Ноябрĕн 25-мĕшĕнче Муркаша иртнĕ суйлавра РФ Патшалăх Думине депутата суйланнă Леонид Черкесов килсе çитрĕ. "Единая Россия" партин районти уйрăмĕн ĕçтăвком пÿлĕмĕнче вăл граждансене хăйсен ыйтăвĕсемпе йышăнчĕ.
Показать полностью…

Çынсен ыйтăвĕсем тĕрлĕрен пулчĕç: тăлăх арăмсен пурнăç условийĕсене лайăхлатасси, фермер хуçалăхĕсене субсидипе тивĕçтересси, сĕтшĕн дотаци илесси пирки ыйтрĕç. Йышăну вăхăтĕнче районта пурăнакансене пахалăхлă шывпа тивĕçтересси тата ку ĕç-хĕлпе çыхăннă ытти çивĕч ыйтăва та хускатрĕç. Депутатпа тĕл пулма килнĕ çынсем чиркÿсене пулăшмалли майсемпе, шкул тăвассипе те кăсăкланчĕç.

Леонид Черкесов пур çынна та тимлĕн итлерĕ. Çынсене тĕплĕ хуравсем парас тесе хăш-пĕр ведомство ертÿçисемпе те тÿрех çыхăнчĕ.

Йышăнăва ирттерме район администрацийĕн пуçлăхĕ Ростислав Тимофеев хутшăнчĕ. Çавна май ыйтусене район е республика шайĕнче мĕнле майпа татса памалли майсене те пĕрле пăхса тухрĕç.

Н. Николаева.