09 июля 2016 г.
Республикăра черетлĕ Сывлăх тата спорт кунĕ çитес шăматкун, июлĕн 16-мĕшĕнче иртет. Çав кун районта пурăнакансен те бассейнсенче, спорт площадкисенче, тренажер залĕсенче тÿлевсĕрех пулма май килĕ. Муркашри "Сывлăх" физкультурăпа спорт комплексĕн алăкĕсем те пуриншĕн те уçă пулĕç.
Чăваш Республикин Пуçлăхĕн указĕпе килĕшÿллĕн Сывлăх тата спорт кунĕсене республикăра кашни уйăхрах ирттереççĕ. Çав кун физкультурăпа спорт организацийĕсенче тата объекчĕсенче тÿлевсĕрех пулма май туса панă. Апла пулсан çитес шăматкун хăвăрăн сывлăхăра çирĕплетесси пирки ан манăр.