23 апреля 2016 г.
Апрелĕн 21-мĕшĕнче Чăваш митрополийĕн пуçлăхĕ, Шупашкар тата Чăваш митрополичĕ Варнава 85 çулхи юбилейне паллă турĕ.
Ăна саламлакансем йышлăн пулнă. Шупашкар епархийĕн духовенстви ячĕпе митрополита епархин протоиерейĕ Николай Иванов, епархин мăнастирĕсен настоятелĕсем те саламланă.
Варнава Чăваш Ен Пуçлăхĕнчен М. Игнатьевран та салам йышăннă.
Сăмах май, Варнава митрополит (Владимир Викторович Кедров) Рязань облаçĕнче 1931 çулта çуралнă. 1984 çултанпа вăл архиепископ санне тивĕçнĕ, 2001 çулхи февралĕн 25-мĕшĕнченпе - митрополит.