Публикации » Тăрăшуллă оператор

23 марта 2016 г.

"Выльăх-чĕрлĕх пăхасси çăмăл тесе кам каланă;" - ыйтуллăн тинкерчĕ куçăмран Чкалов ячĕпе хисепленекен ял хуçалăх производство кооперативĕн ĕне выльăх ферминче мăйракаллă шултра выльăх самăртассипе пĕрремĕш çул мар ĕçлекен Алевтина Петрова (сăн ÿкерчĕкре). Вăл 10 çул ытла обществăлла выльăх-чĕрлĕх пăхассипе тăрăшать. Çакăншăн Алевтина Алексеевна паян пĕртте пăшăрханмасть. Шаннă ĕçре яваплăха туйса тимлесе хастар хĕрарăм иртнĕ çулхи ĕç пĕтĕмлетĕвĕпе "2015 çулта мăйракаллă шултра выльăх самăртнă чи лайăх оператор" ята тивĕçрĕ. Вăл пăхакан мăйракаллă шултра выльăхсем талăксерен вăтамран 850 грамм ÿт хушса хуçалăха 22,1 тонна аш туса панă.

А. БЕЛОВ сăн ÿкерчĕкĕ.