20 мая 2015 г.
Районти çĕр ĕçченĕ çу уйăхĕн уяр кунĕсемпе туллин усă курса çуртрисем акас ĕçе вĕçлесе пырать.
Ĕнерхи кун тĕлне тĕрлĕ харпăрлăх формиллĕ хуçалăхсем акана хатĕр уй-хире пурĕ 4777 гектар шуратса хăварма ĕлкĕрнĕ. "Оринино", Чкалов яч. хис., "Восток", Е. Андреев яч. хис. пĕрлешÿллĕ хуçалăхсемпе "Агросоюз "Картофель", "Гея" тата "АПФ "Колос" обществăсем, С. Сретинскийпе В. Горбунов ертсе пыракан хресчен (фермер) хуçалăхĕсем çурхи культурăсем акас ĕçе вĕçленĕ.
ÇĔр улми лартаÇÇĔ
Хуçалăхсем иртнĕ кунсенче "иккĕмĕш çăкăр" лартас ĕçе кÿлĕнчĕç. Çу уйăхĕн 19-мĕшĕ тĕлне çĕр улмине пĕтĕмпе 128 гектар (35 процент) лартнă. Ку ĕçе "Гея" обществăра (10 гектар), А. Пихтеровăн хресчен (фермер) хуçалăхĕнче (30 гектар) вĕçленĕ.
Пахча ÇимĔÇ пуссинче
Çурхи ака-суха планĕпе килĕшÿллĕн районăн кăçал 53 гектар пахча çимĕç лартмалла. Иртнĕ ытларикуна, оперативлă кăтартусене пăхсан, вырăнсенче çак ĕçе 18 гектар çинче (34 процент) пурнăçланă. Пахча çимĕç пуринчен ытларах хальлĕхе "Герой" хуçалăхра лартнă: 10 гектар.
Çак ĕç А. Толстовăн хресчен (фермер) хуçалăхĕнче вăй илсе пырать.
А. БЕЛОВ.