21 марта 2015 г.
Çĕнĕлĕхсемпе тан пырса РФ федераци миграци служби граждансене патшалăх услугисене электрон мелпе тивĕçтерессине пурнăçа кĕртсе пырать. Юлашки вăхăтра çакă халăх хушшинче анлă сарăлма ĕлкĕрчĕ. Ку мелпе усă курас текенĕн патшалăх тата муниципалитет пулăшăвĕсен пĕрлехи порталне wwwĕgosuslugiĕru адреспа кĕмелле.
Асăннă портал граждансен чылай ĕçне ансатлатать. Электрон мелпе ыйтса çырни вăхăта перекетлеме пулăшать. Çак ĕçе кану кунĕсенче те, кирек хăш вырăнтан та пурнăçлама май пулни ыйтса çыраканпа ăна йышăнакан хушшинчи коррупци çулне пÿлет.
РФ федераци миграци службин Чăваш Республикинчи управленийĕ электрон майпа çак услугăсемпе тивĕçтерет:
- РФ гражданинне паспорт парать*
- ют çĕршыв паспортне илме пулăшать*
- РФ гражданĕсене вăхăтлăх пурăнма регистрацилет*
- адреспа справка информацийĕпе тивĕçтерет*
- уйрăм çынсем ыйтнипе ют çĕршыв çыннисене тата гражданлăхсăррисене Раççей Федерацине кĕме чĕнÿсем тăвать*
- Раççей Федерацийĕнче пурăнмалли йĕрке (вид на жительство) парать*
- Раççей Федерацийĕнче вăхăтлăх пурăнма ирĕк парать.
Пĕрлехи портал урлă ĕçлени миграци службинче ĕçлекенсемпе граждансем хушшинчи тĕл пулусем пачах пăрахăçланнине пĕлтермест. Граждансен çак услугăсене электрон майпа ыйтса çырсан миграци службине документсене илме çеç килмелле пулать.
Патшалăх тата муниципалитет пулăшăвĕсен пĕрлехи порталĕнче wwwĕgosuslugiĕru адрепа регистрациленме гражданинăн хушамачĕ, ячĕ, ашшĕ ячĕ, СНИЛС-па ИНН номерĕсем, почта адресĕ, телефон номерĕ, электрон почтинчи çыхăну адресĕ кирлĕ.
Пирĕн паянхи калаçу вулавçăсемшĕн вырăнлă пулчĕ тесе шутлатăп.
Л. ПЛЕЧОВА,
федераци миграци службин районти территори пункчĕн пуçлăхĕ.