14 февраля 2015 г.
Совет çарĕсене Афганистанран кăларнине асăнса, интернационалист салтаксене халалласа Муркаш район администрацийĕн пуçлăхĕн кубокне çĕнсе илессишĕн республика шайĕнчи бокс турнирĕ кăçалхипе виççĕмĕш хут иртет. Кĕçнерни кун çак турнира курма "Сывлăх" ФСК-на халăх лăк тулли пухăнчĕ.
Боксерсем таçтан та килнĕ: Мари Эл, Тутар Республикисенчен, Чул хуларан, Кстово, Лысково, Санкт-Петербург хулисенчен, Ульяновск облаçĕнчен. Çак турнира çулсеренех хастар хутшăнакан Чăваш Енри тĕрлĕ кĕтесри боксерсем те чылаййăн çитрĕç. Виçĕ куна тăсăлакан кĕрешÿсенче пурĕ 140 боксер вăй виçрĕ. Чи хастар командăна паян финал кĕрешĕвĕсем хыççăн палăртаççĕ.
Турнир пирки çитес номерсенче тĕплĕнрех каласа парăпăр. Фоторепортажпа вара хаçатăн сайтĕнче (www.morpress.cap.ru) паянах паллашма пултаратăр.
Сăн ÿкерчĕкре: кĕрешÿ умĕн тренерсем (С. Черкашин кĕçĕнни, С. Черкашин, С. Ильин тата О. Сютруков - сулахайран сылтăмалла) вĕрентсе калани те, юлташсен хавхалантарăвĕ те пĕлтерĕшлĕ.
Н. Николаева сăн ÿкерчĕкĕ.