14 февраля 2015 г.
Февралĕн 12-мĕшĕнче Чăваш Республикин Министрсен Кабинечĕн Председателĕн çумĕ - Чăваш Республикин Информаци политикипе массăллă коммуникацисен министрĕ Александр Иванов ĕçлĕ визитпа Муркаш районĕнче пулчĕ.
Александр Иванов министр район пуçлăхĕпе Игорь Николаевпа, район администрацийĕн пуçлăхĕпе Ростислав Тимофеевпа, районти "Çĕнтерÿ ялавĕ" хаçатăн тĕп редакторĕпе Анатолий Тихоновпа тата район администрацийĕн информаципе тивĕçтерекен пай ертÿçипе Валерий Лаврентьевпа тĕл пулчĕ. Пухăннисем "çавра сĕтел" хушшинче влаç органĕсем массăллă информаци хатĕрĕсемпе çыхăнса ĕçлес, çырăнтару тапхăрне йĕркелес, электрон çăмăллăхĕсемпе тивĕçтерес ыйтусене сÿтсе яврĕç.
Унтан министр район ертÿçисемпе бокс вăййипе республика шайĕнчи Муркашра иртекен ăмăртăва уçнă çĕре хутшăнчĕ.