28 января 2015 г.
Районти пĕрлешÿллĕ хуçалăхсенче кăрлач уйăхĕн 22-мĕшĕ тĕлне пĕр ĕне пуçне вăтамран мĕн чухлĕ сĕт сунине кăтартни (килогрампа).
Колонкăсенче: 1. Кăçал сунă. 2. Пĕлтĕрхипе танлаштарсан ("-" - сахалрах).
Суворов яч. хис. 16,8 -1,3
Е. Андреев яч. хис.16,7 4,9
"Оринино" 14,7 1,3
"Путь Ильича" 11,9 1,7
"Герой" 11,7 1,7
"Ударник" 9,3 0,9
"Свобода" 9,2 0,2
Ильич яч. хис. 9,1 0,5
Чкалов яч. хис. 8,4 -1,6
"Колос" АПФ 7,0 -3,0
"Восток" 5,3 -5,4
"Передовик" 3,1 -
РАЙОНĔПЕ 11,0 0,6
ХУШСА КАЛАНИ. Район администрацийĕн АПК аталанăвĕпе экономика управленине хуçалăхсенчен тăратнă оперативлă кăтартусене тишкерсен районта ĕнесем сăвас çĕрте те татса паман ыйтусем пурри куç умĕнчен каймасть. Хуçалăхсенчи вăтам сăвăм ыйтусем çуратать паян. Татах та тухăçлăрах ĕçлеме майсем пуррине пĕрешкел условисенчех ÿсĕмлĕрех кăтартусем тăвакан пĕрлешÿллĕ хуçалăхсен кăтартăвĕсем çирĕплетеççĕ. Апла пулсан сăвăм ÿсĕмĕн çулĕнче ыттисем ĕçсене ответлăха туйсах пурнăçласа çитереймеççĕ пулас.
Çаврăнăçуллисем иртнĕ çу кунĕсенче выльăх апатне çителĕклĕ янтăланă май хĕл кунĕсенче те производствăна тивĕçлĕ шайра тытса пыма хевте çитереççĕ. Анчах çакă пур çĕрте те пĕрешкел мар. Сăвакан пĕр ĕне пуçне тивекен районти вăтам сăвăма илсен вăл иртнĕ çулхи çак вăхăтринчен 0,6 килограмм нумайрах. Пĕтĕмĕшле сăн ÿкерчĕк сводкăран аван курăнать.
Обществăлла выльăх-чĕрлĕх патĕнче вăй хуракансемшĕн черетлĕ хĕл кунĕсем пыраççĕ. Ĕнер улăхра çÿренĕ выльăхсене витере тытса тăратас тапхăр кашнинченех тимлĕх, хатĕрленĕ апатпа перекетлĕ те тухăçлă усă курма ответлăх ыйтать. Çакна ăнланса ĕçлесе пыракансен паян сăвăмĕ те пĕчĕк мар. Пахалăхĕ те тивĕçлĕ шайра.
Ĕне кĕтĕвĕ пирки. Çулталăк каялла районти ял хуçалăх производство кооперативĕсенче 2084 пуç сумалли ĕне тăнă пулсан, кăçал вĕсен йышĕ 2110 пуçа çитнĕ. Çак пĕчĕк хушăм та хуçалăхсем сĕт туса илесси енне çаврăнни пирки калать. Çакнашкал лару-тăрура ĕнесен йышне хушнисене асăнса хăвармалла. Вĕсем: Чкалов яч. хис. - 55 пуç, "Колос" АПФ - 3 пуç, Суворов яч. хис. - 2 пуç.
Районти пĕрлешÿллĕ хуçалăхсем паян талăксерен пĕтĕмпе 23289 килограмм сĕт суни иртнĕ çулхи кăтартуран 1520 килограмм нумайрах. Çак кăтартăва мал туртăмлă аталантарса сĕтрен ытларах тупăш курасчĕ.
А. ПЕТРОВ.