17 января 2015 г.
Январĕн 21-мĕшĕнче Чăваш Республикин Пуçлăхĕ Михаил Игнатьев республика парламенчĕн черетлĕ çирĕм çиччĕмĕш сессийĕнче Патшалăх Канашне тата Чăваш Ен халăхĕ патне Çырупа тухать.
Çырăва хатĕрленĕ чухне республикăра пурăнакансен, обществăлла организацисен членĕсен сĕнĕвĕсене шута илнĕ. Асăннă документра патшалăх политикин тĕп çул-йĕрĕсене, Чăваш Республикин экономикипе социаллă пурнăçне аталантармалли программăсене пурнăçланин итогĕсене тишкернĕ. Çавăн пекех ĕç тăвакан влаç органĕсен тата вырăнти хăй тытăмлăх органĕсен çывăх вăхăтри тата малашлăхри задачисене палăртнă.
Çырупа паллаштарасси 12 сехетре пуçланать.
Çырупа паллаштарнине республикăри влаç органĕсен wwwĕcapĕru порталĕнче пăхма пулать. Çавăн пекех "Россия 24" каналпа, Наци телевиденийĕпе, Наци радиовĕпе тата Тăван радиопа тÿрĕ эфирта пăхма тата итлеме пулать. Тепĕр хут январĕн 21-мĕшĕнче 18 сехет те 30 минутра Наци телевиденийĕпе кăтартаççĕ. Ятарлă репортаж "Россия 1" телеканалта январĕн 25-мĕшĕнче 10 сехет те 20 минутра тухать. "События недели" программăра парламентарисемпе экспертсем Çырăва хакланипе паллашма май пулĕ.