13 февраля 2013 г.
Район администрацийĕн 2013 çулхи февралĕн 11-мĕшĕнчи 99 № йышăнăвĕ
Районти предприятисем, организацисем, хресчен-фермер хуçалăхĕсем тата килти хушма хуçалăхсем хушшинчи 2012 çулхи экономика ăмăртăвĕн итогĕсем çинчен
Район администрацийĕн 2010 çулхи февралĕн 9-мĕшĕнче йышăннă 61 № экономика ăмăртăвĕн положенийĕпе, 2012 çулхи апрелĕн 12-мĕшĕнчи 347 № районти выльăх-чĕрлĕх отраслĕнче вăй хуракансен 2012 çулхи экономика ăмăртăвĕн итогĕсем çинчен калакан йышăнăвĕпе, районти предприятисем, организацисем, хресчен-фермер хуçалăхĕсем тата килти хушма хуçалăхсем хушшинчи экономика ăмăртăвĕн итогĕсене пĕтĕмлетес енĕпе ĕçлекен комиссин 2013 çулхи февралĕн 6-мĕшĕнчи йышăнăвĕпе килĕшÿллĕн район администрацийĕ çапла йышăннă:
районти предприятисем, организацисем, хресчен-фермер хуçалăхĕсем тата килти хушма хуçалăхсем хушшинчи экономика ăмăртăвĕнче çаксем мала тухнă:
1. Ял хуçалăх предприятийĕсем хушшинче:
1-мĕш вырăн – Суворов яч. хис. хуçалăх. Хуçалăха 1-мĕш степень диплом тата 12 пин тенкĕ преми парас.
2-мĕш вырăн – Ильич яч. хис. хуçалăх. Хуçалăха 2-мĕш степень диплом тата 8 пин тенкĕ преми парас.
3-мĕш вырăн – «Свобода» хуçалăх. Хуçалăха 3-мĕш степень диплом тата 5 пин тенкĕ преми парас.
2. Промышленноç тата пулăшу сферин предприятийĕсем хушшинче:
1-мĕш вырăн – акционерсен «Шупашкарти «Сеспель» предприяти» хупă обществи. Предприятие 1-мĕш степень диплом тата 12 пин тенкĕ преми парас.
2-мĕш вырăн – акционерсен «Муркашри кирпĕч завочĕ» хупă обществи. Предприятие 2-мĕш степень диплом тата 8 пин тенкĕ преми парас.
3-мĕш вырăн – акционерсен «Хуçалăхсем хушшинчи «Моргаушская» строительство организацийĕ» хупă обществи. Предприятие 3-мĕш степень диплом тата 5 пин тенкĕ преми парас.
Муркаш райповĕ тата «Моргаушское» пурăнмалли çурт-йĕрпе коммуналлă хуçалăх предприятийĕ япăх мар ĕçленине палăртас.
3. Ял тăрăхĕсем хушшинче:
1-мĕш вырăн – Оринин ял тăрăхĕ. Ял тăрăхне 1-мĕш степень диплом тата 12 пин тенкĕ преми парас.
2-мĕш вырăн – Мăн Сĕнтĕр ял тăрăхĕ. Ял тăрăхне 2-мĕш степень диплом тата 8 пин тенкĕ преми парас.
3-мĕш вырăн – Юнкă ял тăрăхĕ. Ял тăрăхне 3-мĕш степень диплом тата 5 пин тенкĕ преми парас.
Шетмĕпуç тата Катькас ял тăрăхĕсем япăх мар ĕçленине палăртас.
4. Хресчен-фермер хуçалăхĕсем хушшинче:
– Мăн Сĕнтĕр ял тăрăхĕнчи Александр Иванович Толстовăн хресчен-фермер хуçалăхĕ – диплом тата 8 пин тенкĕ преми парас.
5. Килти хушма хуçалăхсем хушшинче:
– Шетмĕпуç ял тăрăхĕнчи Автанкасси ялĕнчи Поликарп Ефимович Александровăн килти хушма хуçалăхĕ – диплом тата 5 пин тенкĕ преми парас.
Район администрацийĕн пуçлăхĕ
Р. ТИМОФЕЕВ.