22 октября 2014 г.
Хальхи вăхăтра Чăваш Енре пурăнакансем патшалăх услугисен пĕрлехи порталĕнче регистрациленес тесен хăйсем кам пулнине республикăри мĕн пур нумай функциллĕ центрсенче тата ĕçпе тивĕçтерекен центрсенче çирĕплетме пултараççĕ. Çак кунсенче регионта асăннă учрежденисенче ансат мелпе электрон мелĕпе алă пуснисене çирĕплетес енĕпе ĕçлекен центрсем уçас ĕç вĕçленчĕ.
МФЦ-ра е социаллă хÿтлĕх пайĕнче харпăр хăй кам пулнине регистрацилес тесен граждансем харпăр хăйсен персоналлă даннăйĕсен кабинетĕнче ансат майпа регистрациленни кирлĕ. Çакă вăл пĕрлехи порталта вырнаçтарнă пур услугăпа та туллин усă курас пулсан кирлĕ пулать. Сăмахран, çын хăй кам пулнине çирĕплетмесĕр паспорт илме е пурăнакан вырăнта регистрациленме заявлени пама пултараймасть.
Патшалăх услугисен пĕрлехи порталĕнче харпăр хăйĕн учет даннăйĕсене çирĕплетмелли хушма пунктсем йĕркелени республикăн инçетри районĕсенче тата пĕчĕк ялсенче пурăнакансемшĕн патшалăх услугисене ансат мелпе тата туллин илессипе самай çăмăллăх кÿрет.
Аса илтеретпĕр. 2014 çулхи июнĕн 10-мĕшĕнчен тытăнса патшалăх услугисен пĕрлехи порталĕнче ансат майпа регистрациленме май туса пачĕç. Çапла вара кĕсье телефонĕн номерĕпе е электрон почтин адресĕпе усă курсах порталта харпăр хăй кабинетне йĕркелеме май пур. Анчах та кун пек учет çыравĕпе кăна усă курнă чухне порталти мĕн пур услугăпа усă курма май çук. Патшалăхăн тата муниципалитетăн ытти услугипе те туллин усă курас тесен харпăр хăйĕн кабинетĕнче гражданинăн харпăр хăйĕн ытти даннăйĕ пирки те информаци кĕртмелле: хушамат, ячĕ, ашшĕ ячĕ, хăçан çуралнин дати, паспорт даннăйĕсем, СНИЛС. Патшалăх услугисен пĕрлехи порталĕнчи пур услугăпа та туллин усă курас тесен заявителĕн пур даннăйне те кăтартас пулать. Çакна эпир сĕнекен майсенчен пĕринпе усă курса туса ирттерме пулать: код номерне ыйтса Раççей Почти урлă заказлă çырупа ярса пама пулать (вăтамран икĕ эрнерен килет), чикĕллĕ яваплăхлă "Ростелеком" обществăн клиентсемпе ĕçлекен пĕр-пĕр центрне пымалла, универсал электрон карттăн (картридерпа усă курса) квалификациллĕ электрон ал çырăвĕпе усă курма пулать.
Халĕ вара çав учет çыравне тивĕçтерекенсем шутне татах 51 центр хушăнчĕ (МФЦ-сенчи 27 пункт тата çынсене ĕçпе тивĕçтерекен центрсенче 23 пункт, кунсăр пуçне 1 пункт Чăваш Ен Информаци политикипе массăллă коммуникацисен министерствинче йĕркеленĕ. Хăвăрăн учет даннăйĕсене çирĕплетме пĕрле паспорт пулмалла.
Раççей Федерацийĕн Çыхăну тата массăллă коммуникцисен министерствин даннăйĕсем тăрăх Чăваш Енре патшалăх тата муниципалитет услугисен пĕрлехи порталĕнче регистрациленнисен шайĕ 6,54 процентпа танлашать. Пурте вĕсем электрон мелĕпе федераци услугисемпе кăна мар, регионăн тата муниципалитетăн 69 услугипе те усă курма пултараççĕ.Сăмахран, порталпа усă курса мăшăрланма заявлени пама, ачана пăхса пурăннăшăн пособи илсе тăрассине йĕркелеме, социаллă найм шучĕпе çурт-йĕр условийĕсене лайăхлатма учета тăма т. ыт. те пултаратăр.
Çынсене патшалăх тата муниципалитет услугисемпе тивĕçтерессин пахалăхне ÿстерессин, вăл пуриншĕн те меллĕ пулма кирлин ыйтăвĕсене Чăваш Ен Пуçлăхĕ Михаил Игнатьев пĕрре кăна мар çĕклерĕ. 2014 çулхи мартăн 20-мĕшĕнче Патшалăх Канашĕн черетлĕ сессийĕнче республикăн 2013 çулхи ĕçĕ-хĕлĕ пирки отчет туса панă май Михаил Игнатьев çавна палăртрĕ.Çынсене "пĕр чÿрече" мелĕпе нумай функциллĕ центрсенче услугăсемпе электрон мелĕпе тивĕçтернĕ май çакă çынсене тĕрлĕ инстанци тăрăх çÿресе тĕрлĕ справка пуçтарассинчен хăтарать, чиновниксемпе тĕл пулмасăрах ĕç тума май парать, коррупципе çыхăннă ĕçсем те самай сахалланĕç.
Чăваш Республикин Информаци политикипе массăллă коммуникацисен министерстви.
СĂМАХ МАЙ. Çак вăхăта Муркаш районĕнче патшалăх услугисен пĕрлехи порталĕнче регистрациленнисен шучĕ 3519 çынна çитнĕ. Октябрĕн 13-мĕшĕнчен тытăнса 17-мĕшĕччен регистрациленнисен шучĕ 180 çынпа танлашать. Районта пурăнакансене пурне те активлăрах пулма, патшалăх услугисен пĕрлехи порталĕнче регистрациленсе услугăсемпе электрон мелпе анлăрах усă курма сĕннĕ пулăттăмăр. Хăвăрăн вăхăта хаклама хăнăхăр!