29 октября 2014 г.
Кăçал кĕркунне Раççейре пурăнакансем ноябрĕн 1-мĕшĕнчен тытăнса 4-мĕшĕччен канĕç. Кăçал РФ Правительстви кану кунне февралĕн 24-мĕшĕнчи тунти кунран ноябрĕн 3-мĕшĕнчи тунти куна куçарма йышăннă. Февралĕн 23-мĕшĕ канмалли (вырсарни) куна килет, çавăнпа вăл февралĕн 24-мĕшне куçать. Раççей Федерацийĕн Ĕç кодексĕн 112-мĕш статйин 5-мĕш пайĕпе килĕшÿллĕн вара вăл куна ноябрĕн 3-мĕшне куçарма йышăннă. Çапла вара Раççейре пурăнакансем харăсах тăватă кун (ноябрĕн 1 - 4-мĕшĕсем) саккунлă канаççĕ: ноябрĕн 1 тата 2-мĕшĕсем - шăмат кунпа вырсарни кун, ноябрĕн 3-мĕшĕ - февралĕн 24-мĕшĕнчен куçарнă кану кунĕ, ноябрĕн 4-мĕшĕ - Халăх пĕрлĕхĕн кунĕ.
Апла пулсан шăмат кунсемпе вырсарни кунсене те шутласан çĕр-шывра пурăнакансем ноябрьте пĕтĕмпе 12 кун канĕç.
Правительство йышăнăвĕпех январĕн 4 тата 5-мĕшĕсенчи кану кунĕсене (шăмат кунпа вырсарни кун), ĕçлемен уяв кунĕсене килнĕ май, майăн 2-мĕшне тата июнĕн 13-мĕшне куçарма пăхнă.