29 октября 2014 г.
Чăваш Ен Пуçлăхĕ Михаил Игнатьев тунти кун Правительство членĕсемпе, федераци влаç органĕсен тата муниципалитетсен ертÿçисемпе канашлу ирттернĕ.
Ял хуçалăх министрĕ Сергей Павлов ĕççие пĕтĕмлетнĕ. Республикăра тĕш тырăпа пăрçа йышши культурăсене пухса кĕртнĕ - пĕтĕмпе 574,5 пин тонна тырă çапса илнĕ. Çĕр улми - 144,3 пин тонна, пахча çимĕç - 18,9 пин тонна. Кĕрхи тырăсене 89,4 пин гектар акса хăварнă, çакă планпа пăхнинчен 10,6 пин гектар сахалрах. Министр пĕтĕмлетнĕ тăрăх - ял ĕçченĕсем çулталăка ăнăçлă вĕçлеççĕ.