12 июля 2014 г.
Çапла хак парать эсир сăн ÿкерчĕкре куракансен ĕçне Муркаш почтамчĕн ертÿçи Нина Правдина. Кусем вĕсем Юлия Ванюшкина, Ирина Суворова, Лариса Петрова тата Алина Анисимова. Пурте çыхăну ĕçченĕсем. Юлияпа Алина Муркашри çыхăну уйрăмĕнче операторсем пулса тăрăшаççĕ. Куллен клиентсемпе. Вĕсен вун-вун ыйтăвне туллин те пахалăхлă тивĕçтерме тăрăшаççĕ. Çынсен тав сăмахĕ - темрен те хаклăраххи.
Иринăпа Лариса та операторсемех. Вĕсем - Муркаш почтамчĕн информаци пункчĕн операторĕсем. Клиентсемпе тÿрремĕнех çыхăнса ĕçлемеççĕ пулин те, почтамтăн Муркаш тата Етĕрне районĕсенчи уйрăмĕсен пĕтĕмĕшле ĕç тăнăçлăхĕшĕн шăпах вĕсем яваплă пулса тăраççĕ. Хастар ĕçченсем шанса панă тивĕçе ответлăха туйса пурнăçлаççĕ.
В. ШАПОШНИКОВ сăн ÿкерчĕкĕ.