09 июля 2014 г.
Росреестрăн Чăваш Республикинчи управленийĕнче заявителе документсем хатĕрри пирки СМС ярса хыпарлассин мелĕпе 2013 çултанпах усă кураççĕ. Патшалăх регистрацийĕн докуменчĕсене хатĕрлекенсем ăна хак пама ĕлкĕрчĕç те ĕнтĕ. Анчах та практикăра кунта пĕр çитменлĕх пурри палăрчĕ.
Информаци технологийĕсен пайĕн пуçлăхĕ Андрей Захаров палăртнă тăрăх СМС хыпарсенче символсем мĕн чухлĕ пулассине чикĕленĕ. Çавăнпа та пĕр-пĕр заявителĕн (кусем вĕсем çурт-йĕр тăвакансем е юридици вăйĕнчи ытти çынсем пулма пултараççĕ) пĕр кунах 5 е ытларах заявленипе йышăнусем хатĕр пулин те, ăна ярса паракан СМС хыпарта пур заявлени те пулайман.
Çакăн пек лару-тăрăва майлаштарас тĕллевпе Росреестр управленийĕ малашне кун пек заявительсене кĕсье телефонĕсен номерĕсене кăна мар, электрон адрессене те пĕлтерме ыйтать. Ку хушма услугăпа 2014 çулхи июнь уйăхĕнче усă курма пуçланă. Электрон почтипе усă курнă чухне пĕлтернинче миçе символ пулмаллине чикĕлемен. Енчен те заявитель харăсах темиçе заявлени панă пулсан та вăл куçман пурлăхăн пур объекчĕ тĕлĕшпе те тунă йышăнусем пирки пĕлтернисене пурне те илме пултарать.