28 июня 2014 г.
Вăхăт çурхи юр шывĕ пекех хăвăрт иртет. Анчах ырăпа никĕсленнĕ ĕçсен, хăйсене шаннă ĕçре халăх шанчăкне тÿрре кăларакансен ятне эпир паян хамăршăн тĕслĕхе хуратпăр. Кашниех вĕсем пек ĕçлесе ÿсĕм çулĕпе пыма тăрăшатпăр. Çакнашкал малашлăха чĕнекен самантсем районăн кăçалхи Акатуйĕнче самаях пулчĕç. Ака-суха ĕçне вĕçлесе ирттернĕ уяв Республика кунĕ умĕн пулнăран унта чыс-хисепе тивĕçнисемшĕн ытти чухнехинчен ытларах та савăнтăмăр.
Ял тăрăхĕсен специалисчĕсен паян ялсенче пурăнакансемпе пысăк ĕç туса ирттерме тивет. Ăна вăхăтра пурнăçлани ялта пурăнакансемшĕн пысăк пĕлтерĕшлине кашниех ăнланатпăр. Апла пулсан ăнăçлă ĕçленĕшĕн чыс туни те - кашнине тивĕçтерекен ÿкерчĕк.
Вырăнти хăй тытăмлăх ĕçне аталантарассипе нумай çул тăрăшса ĕçленĕшĕн Акатуйра çаксем Чăваш Республикин муниципалитет йĕркеленĕвĕсен канашĕн Хисеп грамотине тивĕçрĕç:
- Елена Александровна АЛЕКСАНДРОВА, Шетмĕпуç ял тăрăхĕн эксперт-специалисчĕ*
- Татьяна Анатольевна БЕРЕЗИНА, Турай ял тăрăхĕн çарпа учет специалисчĕ*
- Вениамин Ксенофонтович ИВАНОВ, Çатракасси ял тăрăхĕнчи Ятман ял старости*
- Анатолий Николаевич КУЗЬМИН, Йÿçкасси ял тăрăхĕн пуçлăхĕ*
- Михаил Михайлович ПУШКИН, "Шупашкарти "Сеспель" предприяти" хупă акционер обществин персоналпа ĕçлекен пай пуçлăхĕ, Москакасси ял тăрăхĕн пуçлăхĕнче 1994 - 2010 çулсенче ĕçленĕ*
- Тамара Алексеевна МЕШКОВА, Муркаш ял тăрăхĕн тĕп эксперт специалисчĕ.
А. БЕЛОВ сăн ÿкерчĕкĕ.
Т. Березина, Т. Мешкова тата Е. Александрова (сăн ÿкерчĕкре сулахайран сылтăмалла) - халăхпа ĕçлес ĕçре пысăк опыт пухнă специалистсем. Вырăнти ыйтусене çийĕнчех татса парассипе палăрса тăраççĕ вĕсем.