18 июня 2014 г.
Чăваш Ен Республика кунне уявлама хатĕрленет. Уяв программипе килĕшÿллĕн июнĕн 23 - 24-мĕшĕсенче Шупашкарта халăх пултарулăхĕн Пĕтĕм Раççейри XXII "Раççей çăл куçĕсем" фестивальне ирттерме палăртнă. Унта Раççей Федерацийĕн регионĕсен, чикĕ леш енчи çĕр-шывсен коллективĕсем хутшăнаççĕ. Вĕсем хушшинче - Китай Халăх Республикинчи Гуйчжоу провинцийĕнчи 19 çынран тăракан юрăпа ташă ушкăнĕ те.
Асăннă коллектив июнĕн 21-мĕшĕнче Мăн Сĕнтĕрти информаципе культура центрĕнче Муркашсене хăйĕн пултарулăхĕпе савăнтарать.
Кĕске справка. Коллектива 1953 çулта йĕркеленĕ. Унта пĕтĕмпе 166 актер шутланать. Вĕсенчен 23-шĕ патшалăхăн 1-мĕш, 80-шĕ 2-мĕш шайĕнче ĕçлеççĕ.
Гуйчжоу нумай нациллĕ провинци шутланать. Унта 18 наци çынни пурăнать. Хăйĕн программисемпе коллектив 40 çĕр-шывра, вăл шутра Раççейре те пулнă.