07 июня 2014 г.
Пĕрремĕш тоннăсем хатĕр
Уяр кунпа усă курса çĕр ĕçченĕ паян выльăх апачĕ хатĕрлессипе тимлет. Район администрацийĕн экономика тата АПК аталанăвĕн управленине хуçалăхсенчен тăратнă оперативлă кăтартусемпе çĕртме уйăхĕн 6-мĕшĕ тĕлне районти пĕрлешÿллĕ хуçалăхсемпе хресчен (фермер) хуçалăхĕсем 350 гектар нумай çул ÿсекен курăксене çулнă. Типĕ çанталăкпа ытлă-çитлĕ усă курса хуçалăх ĕçченĕсем çĕнĕ утăн малтанхи тоннисене упрама хунă.
"Путь Ильича" агрофирмăра ĕнерхи куна 450 тонна сенаж янтăланă.
Çумпа кĕрешеççĕ
Хресчен акнă-лартнă культурăсене тĕрĕс пăхса çитĕнтерессипе çанă тавăрсах ĕçлет. Асăннă кун тĕлне хуçалăхсенче тĕш тырăпа пăрçа йышши культурăсен 33 процентне (5160 гектар) çум курăкĕнчен имçамланă. Ку ĕç малалла пырать.
А. БЕЛОВ.