24 мая 2014 г.
Сочире иртнĕ Олимп та Паралимп вăййисем вăхăтĕнче йĕркене сыхлама тата обществăна хăрушсăрлăхпа тивĕçтерме пирĕн ентешсем те хутшăннă. РФ Шалти ĕçсен министерствин Муркаш районĕнчи пайĕн сотрудникĕсем - полици аслă лейтенанчĕ, участковăй В. Бирюков, патрульпе пост службин уйрăмĕнчи полици аслă сержанчĕ А. Суворов, полици сержанчĕсем Д. Надин тата Б. Ремнев, сыхлавпа конвоир уйрăмĕн аслă сержанчĕ С. Смирнов Сочире оперативлă служба задачисене пурнăçланă.
Тивĕçсене лайăх пурнăçланăшăн вĕсене пурне те Чăваш Республики тăрăх Шалти ĕçсен министерствин 2014 çулхи апрелĕн 22-мĕшĕнчи хушăвĕпе "За отличие в охране Олимпиады" медальпе чысланă.
Н. Димитриева.