06 мая 2014 г.
Район администрацийĕн "Районта 2013 çулта выльăх-чĕрлĕх отраслĕнче ĕçлекенсем хушшинче ирттернĕ экономика ăмăртăвĕн кăтартăвĕсем çинчен" йышăну выльăх-чĕрлĕх отраслĕнче тăрăшса вăй хунă ĕçченсемшĕн кĕтнĕ самант. (Вĕсене район шайĕнче чыслани пирки хаçатра çырнăччĕ. - Автор). Çак кĕрешÿре кашниех çĕнтерме тăрăшрĕ пулсан та, чыса чи хастаррисем кăна тивĕçрĕç. Вĕсем паян - пуриншĕн те мал туртăмлăх тĕслĕхĕ.
1. 2013 çул кăтартăвĕпе экономика ăмăртăвĕнче çаксем çĕнтернĕ тесе шутлас тата вĕсене наградăлас:
- Муркаш район администрацийĕпе АПК комплексĕнче ĕçлекенсен профсоюз райкомĕ çирĕплетнĕ 1-мĕш степень диплома тата "Мăйракаллă шултра выльăхсен 2013 çулхи чи лайăх ферми" куçса çÿрекен вымпелпа хаклă парнене "Путь Ильича" агрофирмăн Шаптакри комплексне парас. Шаптаксем çулталăк хушшинче самăртма хупнă выльăхсене талăксерен вăтамран 694 грамм ÿт хуштарса пурĕ 72,7 тонна аш-какай туса илнĕ*
- Муркаш район администрацийĕпе АПК комплексĕнче ĕçлекенсен профсоюз райкомĕ çирĕплетнĕ 1-мĕш степень диплома тата "2013 çулхи чи лайăх сĕт ферми" куçса çÿрекен вымпелпа хаклă парнене Суворов яч. хис. ял хуçалăх производство кооперативĕн Анаткассинчи сĕт фермине парас. Ферма коллективĕ çулталăк хушшинче пĕтĕмпе 1292,2 тонна е пĕр ĕне пуçне вăтамран 6124 килограмм сĕт сунă*
- Муркаш район администрацийĕпе АПК комплексĕнче ĕçлекенсен профсоюз райкомĕ çирĕплетнĕ 1-мĕш степень диплома тата "2013 çулхи чи лайăх сысна ферми" куçса çÿрекен вымпелпа хаклă парнене Алина Александровна Афанасьева ертсе пыракан хресчен (фермер) хуçалăхне парас. Кунта çулталăк хушшинче пурĕ 2073 пуç çура, кашни 100 тĕп сысна ами пуçне 2000 пуç çура илнĕ. Вĕсем пĕтĕмпе 39,8 тонна сысна какайĕ сутнă.
- Пĕр ĕне пуçне вăтамран 5 пин килограмран пуçласа 6 пин килограмм таран сĕт сунă çак дояркăсене Муркаш район администрацийĕпе АПК комплексĕнче ĕçлекенсен профсоюз райкомĕн дипломĕсемпе хаклă парнесем парас:
"Путь Ильича" агрофирма
Иванова Светлана Александровна 5948 кг
Николаева Ирина Петровна 5774 кг
Ильич яч. хис.
Иванова Юлия Афанасьевна 5131 кг
Семенова Зинаида Михайловна 5071 кг
Чкалов яч. хис.
Тимофеева Надежда Алексеевна 5046 кг
Е. Андреев яч. хис.
Андреева Елена Михайловна 5005 кг
- Пĕр ĕне пуçне 6 пин килограмран пуçласа 7 пин килограмм таран сĕт сунă çак дояркăсене Муркаш район администрацийĕпе АПК комплексĕнче ĕçлекенсен профсоюз райкомĕн дипломĕсемпе хаклă парнесем парас:
Суворов яч. хис.:
Орлова Надежда Николаевна 6478 кг
Михайлова Надежда Валентиновна 6267 кг
Филиппова Татьяна Николаевна 6157 кг
Олгашова Людмила Викентиевна 6125 кг
Афанасьева Валентина Ивановна 6046 кг
Гордеева Вера Ильинична 6011 кг
Печкова Валентина Николаевна 6009 кг
Антонова Фаина Юрьевна 6005 кг
Орлова Галина Геннадьевна 6002 кг
2. Ял хуçалăх производствинчи пысăк ÿсĕмсемшĕн çĕнтерÿçĕ ятне парса ятарлă хăюпа, Муркаш район администрацийĕпе АПК комплексĕнче ĕçлекенсен профсоюз райкомĕн дипломĕпе тата хаклă парнепе çаксене наградăлас:
2.1 Калерия Петровна ДИМИТРИЕВĂНА - "Путь Ильича" агрофирмăри техник-осеменатора - çулталăкра 100 ĕне пуçне 80 пăру ытла илнĕшĕн - "2013 çулхи чи лайăх техник-осеменатор" ят парас*
2.2 Рената Геннадьевна ПУШКОВĂНА - "Оринино" хуçалăхăн тĕп зоотехникне - çĕнĕ технологисемпе малта пыракан опыта пурнăçа кĕртнишĕн тата сутакан сĕтĕн пахалăхне лайăхлатнишĕн - "2013 çулхи чи лайăх зоотехник" ят парас*
2.3 Вероника Владиславовна СТЕПАНОВĂНА - "Герой" хуçалăхăн Çĕньял Шурчари сĕт фермин заведующине - "2013 çулхи чи лайăх ферма заведующийĕ" ят парас . Вăл ертсе пыракан коллектив выльăхсене апатлантарас тата пăхас çĕрте малта пыракан технологисемпе анлă усă курса пĕтĕмĕшле сĕт сăвассине 22,7 процент ÿстернĕ. Фермипе пĕр ĕне пуçне 4501 килограмм сĕт суса пĕтĕмĕшле кăтартăва 792,2 тоннăна çитернĕ. Кунта самăртма тăратнă выльăхсем талăксерен вăтамран 675 грамм ÿт хушса 47,5 тонна аш панă*
2.4 Екатерина Петровна КЛЕМЕНТЬЕВĂНА - Ильич яч. хис. хуçалăхри пăру пăхакана - "2013 çулхи чи лайăх пăру пăхакан" ят парас. Вăл пăхакан пăрусем çулталăк хушшинче талăксерен 422 грамм ÿт хушса хуçалăха 71,7 тонна аш туса илме май панă*
2.5 Елизавета Петровна МОИСЕЕВĂНА - акционерсен "Моргаушская" чăх-чĕп фабрики" уçă обществин чăх-чĕп пăхаканне - "2013 çулхи чи лайăх чăх-чĕп операторĕ" ят парас. 29,9 пин чăх пăхакан ĕçчен кашни чăхран 324 штук çăмарта илсе пĕтĕмĕшле кăтартăва 9,44 миллион штука çитернĕ*
2.6 Александра Владимировна ВАСИЛЬЕВĂНА - Е. Андреев яч. хис. хуçалăхăн выльăх тухтăрне - хуçалăхри ветсанитари ĕçĕсене вăхăтра тата пахалăхлă туса пынишĕн районти «2013 çулхи чи лайăх ветеринари ĕçченĕ" ят парас*
2.7 Надежда Николаевна ОРЛОВĂНА - Суворов яч. хис. хуçалăхăн ĕнесене машинăпа сăвакан операторне - "2013 çулта ĕнесене машинăпа сăвас ĕçри чи лайăх оператор" ят парас. Вăл хăйĕн ушкăнĕнчи кашни ĕнерен пĕлтĕр 6478 кг сĕт суса пĕтĕмĕшле кăтартăва 124,3 тоннăна çитернĕ.