08 февраля 2014 г.
Районта: ĕнер, паян, ыран
Районăн Хисеп кĕнеки анлăланĕ
Район юбилейĕпе çыхăннă тĕрлĕ мероприяти ирттересси малалла пырать. Ăна йĕркелессипе ĕçлекен комитетăн черетлĕ ларăвĕ иртнĕ. Кун йĕркинче пултарулăхпа, пуçарулăхпа уйрăмах палăракан сумлă çынсене районăн Хисеп кĕнекине кĕртес ыйтăва пăхса тухасси пулнă. Ларăва район администрацийĕн пуçлăхĕ Ростислав Тимофеев ирттернĕ. Ку таранччен асăннă кĕнекене 32 çын ятне кĕртнĕ. Уяв хыççăн вара районăн Хисеп кĕнекинче татах та ытларах çынпа паллашма май пулĕ. Çавăн пекех çитес вăхăтра район ĕç-хĕлне çутатакан кĕнеке кăларма палăртнă.
Харпăр хăй ĕçне
пуçаракансене - пулăшу
Районти ĕçпе тивĕçтерекен центр харпăр хăй ĕçне пуçаракансене пулăшу кÿрет. Çавна май асăннă центр ĕçсĕр çынпа килĕшÿ тăвать. Çакна тĕпе хурса вăл предприниматель ĕçне йĕркелеме укçан пулăшать. Анчах та малтан çыннăн хăш енĕпе тимлессине суйламалла тата вăл эффективлă ĕç пулмалла. Ку тĕлĕшпе ĕçлес текенĕн ĕç опычĕ, пĕлÿ шайĕ, укçа-тенкĕ тĕлĕшĕнчи ăнăçлăхĕ те паллă вырăн йышăнать. Çак çулта ĕçпе тивĕçтерекен центр ĕçсĕр виçĕ çын валли субсиди уйăрма палăртнă. Субсиди калăпăшĕ 58800 тенкĕпе танлашать.
Конкурс вĕçленчĕ
Район йĕркеленнĕренпе 70 çул çитнине халалласа район администрацийĕн вĕренÿпе çамрăксен политикин пайĕ тата Ф. Васильев ячĕллĕ искусство шкулĕ пуçарнипе «Тăван тăрăх кĕввисем» конкурс иртрĕ. Жюри членĕсем çĕр тĕрлĕ ĕç пăхса тухрĕç. Конкурс виçĕ ÿсĕмри ачасем хушшинче икĕ номинаципе пулчĕ. Çĕнтерÿçĕсем - Ф. Васильев ячĕллĕ искусство шкулĕнчи художество уйрăмĕн вĕренекенĕсем.
Р. Илларионова хатĕрленĕ.
Районăн Хисеп кĕнеки анлăланĕ
Район юбилейĕпе çыхăннă тĕрлĕ мероприяти ирттересси малалла пырать. Ăна йĕркелессипе ĕçлекен комитетăн черетлĕ ларăвĕ иртнĕ. Кун йĕркинче пултарулăхпа, пуçарулăхпа уйрăмах палăракан сумлă çынсене районăн Хисеп кĕнекине кĕртес ыйтăва пăхса тухасси пулнă. Ларăва район администрацийĕн пуçлăхĕ Ростислав Тимофеев ирттернĕ. Ку таранччен асăннă кĕнекене 32 çын ятне кĕртнĕ. Уяв хыççăн вара районăн Хисеп кĕнекинче татах та ытларах çынпа паллашма май пулĕ. Çавăн пекех çитес вăхăтра район ĕç-хĕлне çутатакан кĕнеке кăларма палăртнă.
Харпăр хăй ĕçне
пуçаракансене - пулăшу
Районти ĕçпе тивĕçтерекен центр харпăр хăй ĕçне пуçаракансене пулăшу кÿрет. Çавна май асăннă центр ĕçсĕр çынпа килĕшÿ тăвать. Çакна тĕпе хурса вăл предприниматель ĕçне йĕркелеме укçан пулăшать. Анчах та малтан çыннăн хăш енĕпе тимлессине суйламалла тата вăл эффективлă ĕç пулмалла. Ку тĕлĕшпе ĕçлес текенĕн ĕç опычĕ, пĕлÿ шайĕ, укçа-тенкĕ тĕлĕшĕнчи ăнăçлăхĕ те паллă вырăн йышăнать. Çак çулта ĕçпе тивĕçтерекен центр ĕçсĕр виçĕ çын валли субсиди уйăрма палăртнă. Субсиди калăпăшĕ 58800 тенкĕпе танлашать.
Конкурс вĕçленчĕ
Район йĕркеленнĕренпе 70 çул çитнине халалласа район администрацийĕн вĕренÿпе çамрăксен политикин пайĕ тата Ф. Васильев ячĕллĕ искусство шкулĕ пуçарнипе «Тăван тăрăх кĕввисем» конкурс иртрĕ. Жюри членĕсем çĕр тĕрлĕ ĕç пăхса тухрĕç. Конкурс виçĕ ÿсĕмри ачасем хушшинче икĕ номинаципе пулчĕ. Çĕнтерÿçĕсем - Ф. Васильев ячĕллĕ искусство шкулĕнчи художество уйрăмĕн вĕренекенĕсем.
Р. Илларионова хатĕрленĕ.