05 февраля 2014 г.
Раççей Федерацийĕн генеральнăй прокурорĕн 2013 çулхи январĕн 20-мĕшĕнчи 22-к номерлĕ приказĕпе килĕшÿллĕн Муркаш районĕн прокурорĕ пулма юстици советникне Сергей Владимирович Павлова çирĕплетнĕ. Вăл 1976 çулхи апрельте Шупашкар хулинче çуралнă, чăваш. Прокуратура органĕнче С. Павлов 1998 çулта юридици факультетĕнчен вĕренсе тухнă хыççăн следователь тата аслă следователь должноçĕсенче ĕçлеме пуçланă. 1999 çулхи декабрьте çар ретне тăнă, 2001 - 2002 çулсенче Чечен Республикинче террора хирĕçле операцисене, çар ĕçĕсене хутшăннă. 2002 çулхи февраль уйăхĕнче Чăваш транспорт прокуратурин следователĕнче вăй хума пуçланă. 2010 çултан пуçласа юлашки вăхăтчен Çĕмĕрлери районсем хушшинчи прокурорта тимленĕ.
Çÿлерех асăннă приказпа Муркаш районĕнче прокурорта ĕçленĕ Сергей Александрович Фирсова Çĕмĕрлери районсем хушшинчи прокурора çирĕплетнĕ.
Хамăр инф.