12 января 2013 г.
Район хаçачĕ «Прессăн ылтăн фончĕ – 2013» пахалăх паллине тивĕçрĕ.
«Прессăн ылтăн фончĕ» пахалăх паллине 2005 çулта Пĕтĕм тĕнчери «Пресса» профессионаллă выставкăн йĕркелÿ комитечĕ çирĕплетнĕ. Унпа пахалăхлă тата общество пĕлтерĕшлĕ пичет изданийĕсене наградăлаççĕ.
2010 çултанпа Раççейри çак проекта «Журналист» издательство çурчĕ, пичетпе массăллă коммуникацисен Федераллă Агентстви, РФ Çыхăну тата массăллă коммуникацисен министерстви, РФ Культура министерстви тытса пыраççĕ.
Раççейри конкурса çĕр-шыври 450 яхăн издани хутшăннă. Лауреатсен ятне 300 ытла хаçатпа журнал тивĕçнĕ.
«Прессăн ылтăн фончĕ – 2013» паллăпа свидетельствăна Мускавра Раççейри массăллă информаци хатĕрĕсен ĕçлĕ форумĕнче параççĕ.