02 октября 2013 г.
Чăваш Республикинчи муниципаллă районсемпе хула округĕсен инвестици активлăхĕн рейтингне палăртассипе ĕçлекен комисси иртнĕ кунсенче хăйĕн ĕçне вĕçленĕ. ЧР экономика аталанăвĕн министрĕ А. Табаков ертсе пынă комисси ларăвĕнче ял тата хула тăрăхĕсем хушшинчи экономика ăмăртăвĕн 2012 çулхи кăтартăвĕсемпе паллашнă, çĕнтерÿçĕсене палăртнă.
Пирĕн районти Москакасси ял тăрăхĕ (1301 çынран пуçласа 3000 çын пурăнакан ял тăрăхĕсен ушкăнĕнче) 1-мĕш вырăн йышăнма пултарнă. Каласа хăвармалла, 1300-тен сахалрах çын пурăнакан ял тăрăхĕсенчен Патăрьел районĕнчи Ыхраçырми ял тăрăхне, 3000-рен ытларах çын пурăнакан ял тăрăхĕсенчен Елчĕк районĕнчи Елчĕк ял тăрăхне çĕнтерÿçĕсем тесе палăртнă. Асăннă ял тăрăхĕсене республика бюджетĕнчен субсидисем парса хавхалантарĕç.
Н. Димитриева.