03 августа 2013 г.
Сентябрĕн 8-мĕшĕнче Ильинка ял тăрăхĕн пуçлăхне суйлассипе хушма суйлав иртесси пирки хаçатра пĕлтернĕччĕ. Ял тăрăхĕн пуçлăхне суйланас текен кандидатсенчен документсем йышăнасси июлĕн 29-мĕшĕнче вĕçленчĕ.
Муркаш территори суйлав комиссийĕнчен пĕлтернĕ тăрăх çак вăхăта Ильинка ял тăрăхĕн пуçлăхне суйлама 6 кандидата регистрациленĕ. Вĕсенчен пĕри – суйлавçăсен сассине чи нумай пухаканни – ял тăрăхне ертсе пыма пуçăнĕ те.
Регистрациленĕ кандидатсем çаксем:
1. Эдуард Михайлович Васильев – 1980 çулта çуралнă, аслă професси пĕлĕвĕ илнĕ, вăхăтлăх ниçта та ĕçлемест, Шупашкарта пурăнать, хăйне хăй кандидата сĕннĕ, 2013 çулхи июлĕн 19-мĕшĕнче регистрациленĕ.
2. Татьяна Петровна Кондратьева – КПРФ членĕ, 1957 çулта çуралнă, аслă професси пĕлĕвĕ илнĕ, пенсионерка, Шупашкарта пурăнать, «Раççей Федерацийĕнчи коммунистсен партийĕ» политика партийĕн Муркаш районĕнчи уйрăмĕ кандидата сĕннĕ, 2013 çулхи августăн 1-мĕшĕнче регистрациленĕ.
3. Борис Юрьевич Леденцов – Пĕтĕм Раççейри «Единая Россия» политика партийĕн членĕ, 1963 çулта çуралнă, вăтам професси пĕлĕвĕ илнĕ, Ильинка ял тăрăхĕнчи Апчарти Культура çурчĕн заведующийĕ пулса ĕçлет, Муркаш районĕнчи Апчар ялĕнче пурăнать, Пĕтĕм Раççейри «Единая Россия» политика партийĕн Муркаш районĕнчи вырăнти уйрăмĕ кандидата сĕннĕ, 2013 çулхи июлĕн 19-мĕшĕнче регистрациленĕ.
4. Владимир Михайлович Ляченков – 1968 çулта çуралнă, аслă професси пĕлĕвĕ илнĕ, пенсионер, Муркаш районĕнчи Макаçи ялĕнче пурăнать, хăйне хăй кандидата сĕннĕ, 2013 çулхи августăн 1-мĕшĕнче регистрациленĕ.
5. Наталия Васильевна Сергеева – 1972 çулта çуралнă, аслă професси пĕлĕвĕ илнĕ, Ильинка ял тăрăхĕнчи Тренккăри информаципе культура центрĕн директорĕ пулса ĕçлет, Шупашкарта пурăнать, хăйне хăй кандидата сĕннĕ, 2013 çулхи августăн 1-мĕшĕнче регистрациленĕ.
6. Евгений Викторович Чаленко – ЛДПР членĕ, 1980 çулта çуралнă, аслă професси пĕлĕвĕ илнĕ, чикĕллĕ яваплăхлă «Голд трейд» инвестици компанийĕ» обществăн генеральнăй директорĕ пулса ĕçлет, Шупашкарта пурăнать, «Раççейри либерал демократсен партийĕ» политика партийĕн Чăваш регион уйрăмĕ кандидата сĕннĕ, 2013 çулхи августăн 1-мĕшĕнче регистрациленĕ.
Çапла вара кандидатсем пурте паллă, сăмах – суйлавçăсенче!