31 июля 2013 г.
Пуриншĕн те яваплă вăхăт – черетлĕ вырма çитрĕ. Çавна май район администрацийĕн пуçлăхĕ Р. Тимофеев вырма ĕçĕсене механизаторсене, уй-хир тата механизациленĕ бригадăсене активлă явăçтарса тыр-пул пуçтарса кĕртессине кĕске вăхăтра ирттерес тĕллевпе вĕсем хушшинче конкурс ирттересси пирки утă уйăхĕн 25-мĕшĕнче хушу кăларнă.
Унпа килĕшÿллĕн конкурс çĕнтерÿçисем тесе вырма тапхăрĕнче агротехника тата пушар хăрушсăрлăх требованийĕсене, ĕç хăрушсăрлăхĕпе ĕç дисциплинине пăхăнса ĕçлесе пысăк кăтартусем тунисене йышăнаççĕ.
2013 çулхи утă уйăхĕн 25-мĕшĕнчен пуçăнса çурла уйăхĕн 29-мĕшĕччен комбайнерсем хушшинче «Вырма – 2013» конкурс иртет. Итогсене кашни эрнере пĕтĕмлетĕç.
Çĕнтерÿçĕ тесе ыттисенчен ытларах çапса тĕшĕленĕ 3 комбайн экипажне палăртĕç. Кăтартăва вăл е ку комбайн коэффициентне шута илсе условнăй единицăсемпе палăртĕç. Преми валли свидетельствăсене çĕнтерÿçĕсене ĕçлĕ лару-тăрура парĕç. Конкурсра призлă вырăнсене тивĕçнисем çакăн пек преми свидетельствисене тивĕçĕç:
1-мĕш вырăншăн – 1000 тенкĕ;
2-мĕш вырăншăн – 800 тенкĕ;
3-мĕш вырăншăн – 500 тенкĕ.
Вырма – 2013 пĕтĕмлетĕвĕпе çĕнтерÿçĕсем валли çакăн пек премисем çирĕплетнĕ:
1. Условнăй единицăпа чи нумай тырă çапса тĕшĕленĕ комбайн экипажĕсем хушшинче 1-мĕш вырăншăн – 3000 тенкĕ преми, 1 степеньлĕ диплом тата "2013 çулхи вырмари чи лайăх комбайн экипажĕ" чемпион ленти; 2-мĕш вырăншăн – 2500 тенкĕ преми, 2 степеньлĕ диплом; 3-мĕш вырăншăн – 2000 тенкĕ преми, 3 степеньлĕ диплом.
2. 9 уйăх кăтартăвĕсемпе водительсем хушшинче (тонна-километр ĕç тунăшăн): 1-мĕш вырăншăн – 1500 тенкĕ преми, 1 степеньлĕ диплом тата "2013 çулхи чи лайăх водитель" чемпион ленти; 2-мĕш вырăншăн – 1000 тенкĕ преми, 2 степеньлĕ диплом; 3-мĕш вырăншăн – 800 тенкĕ преми, 3 степеньлĕ диплом.
3. 9 уйăх кăтартăвĕсемпе трактористсем хушшинче (условнăй эталон-гектар ĕç тунăшăн): 1-мĕш вырăншăн – 1500 тенкĕ преми, 1 степеньлĕ диплом тата "2013 çулхи чи лайăх тракторист" чемпион ленти; 2-мĕш вырăншăн – 1000 тенкĕ преми, 2 степеньлĕ диплом; 3-мĕш вырăншăн – 800 тенкĕ преми, 3 степеньлĕ диплом.
4. 9 уйăх кăтартăвĕсемпе уй-хир бригадисем хушшинче (гектар тата тонна ĕçшĕн): 1-мĕш вырăншăн – 2000 тенкĕ преми, 1 степеньлĕ диплом тата "2013 çулхи чи лайăх уй-хир бригади" куçса çÿрекен вымпел; 2-мĕш вырăншăн – 1500 тенкĕ преми, 2 степеньлĕ диплом; 3-мĕш вырăншăн – 1000 тенкĕ преми, 3 степеньлĕ диплом.
5. 9 уйăх кăтартăвĕсемпе механизациленĕ бригадăсем хушшинче (условнăй эталон-гектар): 1-мĕш вырăншăн – 2000 тенкĕ преми, 1 степеньлĕ диплом тата "2013 çулхи механизациленĕ чи лайăх бригада" куçса çÿрекен вымпел; 2-мĕш вырăншăн – 1500 тенкĕ преми, 2 степеньлĕ диплом; 3-мĕш вырăншăн – 1000 тенкĕ преми, 3 степеньлĕ диплом.
Конкурс пĕтĕмлетĕвне тума ятарлă комисси йĕркеленĕ. Унăн председателĕ – район администрацийĕн пуçлăхĕн пĕрремĕш çумĕ – экономика, АПК аталанăвĕн тата муниципалитет харпăрлăхĕн управленийĕн ертÿçи В. Ананьев.
Конкурс епле иртни пирки район хаçачĕ пĕлтерсех тăрĕ.