24 июля 2013 г.
Пенси фончĕ предпринимательсене «Личный кабинет предпринимателя» электрон сервисне пурнăçа кĕртме хутшăнма чĕнет. Раççей Пенси фончĕн районти управленийĕ РФ Пенси фончĕн сайтĕнче сăнавлă майпа «Личный кабинет предпринимателя» сервис проектне пурнăçа кĕртессипе йĕркеленĕ пилот проектне хутшăнать. Асăннă электрон сервисне туса хуни страховани взносĕ тÿлекенсемпе çыхăнусене çĕнĕлле йĕркелессипе, çак ĕç эффективлăхне ÿстерессипе çыхăннă.
«Личный кабинет предпринимателя» электрон сервисĕнче харпăр хăйĕн обязательнăй пенси страхованийĕн тата медицина страхованийĕн страховани взносĕсене тÿлессипе парăмсем пуррипе çукки пирки пĕлме, страховани взносĕсем, пенсисемпе штрафсем тÿлемелли квитанцисене пичетлесе кăларма пулать. Патшалăх пенсисене хушса финанслассин программине хутшăнса хушма страховани взносĕсем тÿлеме кирлĕ квитанцисене те кунтах илме май пур.
Страховани взносĕсем мĕн чухлĕ тÿлемелли, мĕн чухлĕ тÿлени пирки тулли информаци илсе тăрас тесен «Личный кабинет предпринимателя» сервисра регистрациленес пулать. Çавна валли заявление çырса тултарса пичетлемелле те Пенси фончĕн районти управленине илсе пымалла. «Личный кабинет предпринимателя» электрон сервиса Интернетра çак адреспа вырнаçтарнă: https,ŸŸpfrĕcbxĕru.
Web-çыхăну технологийĕ мĕнле ĕçленине палăртма Пенси фончĕ уйрăм предпринимательсене парăмсем пуррипе çуккине Интернетпа тĕрĕслесе пăхма йыхравлать. Заявленисене Пенси фончĕн районти управленийĕнче çак адреспа йышăнаççĕ: Муркаш, Октябре 50 çул урам, 23-мĕш çурт, 210-мĕш пÿлĕм.
Пенси фончĕн районти управленийĕ.