12 декабря 2012 г.
2004 çулхи июнĕн 19-мĕшĕнче йышăннă 54-ФЗ " «Пухусем, митингсем, демонстрацисем, ушкăнпа утнисем тата пикетсем çинчен» Федераллă саккунпа килĕшÿллĕн Чăваш Ен Пуçлăхĕ 2012 çулхи ноябрĕн 30-мĕшĕнче 77 " «Раççей Федерацийĕн гражданĕсен Чăваш Республикинче пухусем, митингсем, демонстрацисем, ушкăнпа утнисем тата пикетсем ирттермелли правине пурнăçлассине тивĕçтересси çинчен» Саккуна алă пуснă. Вăл ăна официаллă йĕркепе пичетлесе кăларнăранпа вунă кун иртсен вăя кĕрет.
Çавна май пирĕн районти ял тăрăхĕсен территорийĕсенче çавăн йышши массăллă мероприятисем ирттермелли вырăнсене палăртассипе район администрацийĕн ларусем ирттермелли пĕчĕк залĕнче декабрĕн 10-мĕшĕнче çавра сĕтел хушшинчи калаçу иртрĕ. Унта депутатсен районти Пухăвĕн хăш-пĕр депутачĕсемпе ял тăрăхĕсен пуçлăхĕсем, обществăлла организацисен представителĕсем хутшăнчĕç. Пухăннисем çак кун массăллă мероприятисем ирттермелли вырăнсене сÿтсе явса палăртрĕç, унăн списокне çирĕплетме ЧР Министрсен Кабинетне тăратма йышăнчĕç.
Хамăр инф.