Публикации » «Ударник» хуçалăхăн – çĕнĕ ертÿçĕ

12 декабря 2012 г.

2012 çулхи сентябрĕн 17-мĕшĕнче «Ударник» хуçалăх ертÿçĕсĕр юлчĕ. Платон Давыдов пирĕнтен уйрăлса кайнă хыççăн хуçалăх ертÿçин тивĕçĕсене Илья Шивирев пурнăçласа пычĕ. Çак кунсенче хуçалăх çĕнĕ ертÿçĕпе паллашрĕ. «Ударник» ФГУП директорĕ пулма Владимир Федорова çирĕплетнĕ.

Владимир Михайлович Вăрнар районĕнчи Чăрăшкас Мăрат ялĕнче çуралса ÿснĕ, унччен Вăрнарти аш-какай комбиначĕн генеральнăй директорĕн çумĕ пулса ĕçленĕ. Унăн Чăваш Республикин Пурлăх тата çĕр хутшăнăвĕсен министерствинчи тата патшалăх пурлăхĕн федераллă агентствин Чăваш Республикинчи территори управленийĕнчи ĕç стажĕ пĕтĕмĕшле 10 çулпа танлашать.