18 мая 2013 г.
Кăçалхи çур аки планĕпе килĕшÿллĕн пурĕ 10737 гектар тырă-пулă акса хăвармалла. Ĕнерхи кун тĕлне тĕрлĕ харпăрлăх формиллĕ хуçалăхсем акана хатĕр уй-хирсене пурĕ 8308 гектар (77 процент) шуратса хăварма ĕлкĕрнĕ.
Хуçалăхсем «иккĕмĕш çăкăр» лартас ĕçе кÿлĕнчĕç. Çу уйăхĕн 17-мĕшĕ тĕлне ăна пĕтĕмпе 232 гектар (23 процент) лартнă. Ку ĕçе «Герой» (90 гектар е 180 процент), Чкалов яч. хис. (122 гектар е 100 процент) пурнăçланă.
Оперативлă кăтартусене пăхсан вырăнсенче пахча çимĕç лартассине 28 гектар çинче (41 процент) пурнăçланă. Пахча çимĕçе пуринчен те ытларах хальлĕхе «Свобода» хуçалăхра акнă-лартнă: планпа пăхнă 5 гектар вырăнне 10 гектар.