16 мая 2013 г.
Иртнĕ эрнере район администрацийĕн пуçлăхĕ Ростислав Тимофеев Чăваш Ен вĕрентÿ тата çамрăксен политикин министрĕпе Владимир Ивановпа тĕл пулнă. Муркашри лицей çуртне реконструкцилесе ача сачĕ уçассипе, вĕрентÿ учрежденийĕсене тата вĕсенчи штатсене оптимизацилессипе çыхăннă ыйтусене сÿтсе явнă. Владимир Николаевич çитес эрнере те районта пулма, вăл шутра кăçал капиталлă юсав ĕçĕсем туса ирттерме пăхнă 4 шкула та çитсе курма планлать.
ЧР çĕр хутшăнăвĕсен тата пурлăх министрĕпе Светлана Енилинăпа тĕл пулнă чухне ыйтман çĕр участокĕсене ял тăрăхĕсен харпăрлăхне куçарас ĕçсене хăвăртлатасси пирки сăмах пынă. Кунпа çыхăннă кашни ĕçе судра уйрăм пăхса тухнă май çак процедура вăрăма тăсăлать. Светлана Александровна ку енĕпе пулăшма шантарнă.
Иртнĕ шăмат кун районта ял хуçалăх министрĕ Сергей Павлов пулнă. Район администрацийĕн пуçлăхĕпе Ростислав Тимофеевпа вăл районти хăш-пĕр хуçалăхсене çитсе курнă, çур аки ĕçĕсем мĕнле пынипе паллашнă.
Хамăр инф.