08 мая 2013 г.
Аслă Çĕнтерÿ кунĕ çитсе килнĕ май çак кунсенче вăрçăпа ĕç ветеранĕсен Каршлăхри интернат-çуртĕнче Чăваш Республикипе тĕп федераллă инспектор Геннадий Федоров пулнă. Геннадий Семенович вăрçă участникне Леонид Кондратьева çитсе килекен Çĕнтерÿ уявĕ ячĕпе саламланă.
Интернат-çурт директорĕ Галина Мерлова каласа панă тăрăх кунта 26 çын пурăнать. Вĕсенчен пĕри – блокадăри Ленинград ветеранĕ, тепри – Тăван çĕр-шывăн Аслă вăрçин участникĕ, тыл ĕçченĕсем 12-ĕн тата ĕç ветеранĕсем.
Геннадий Семенович ветерансене çак çутă уявпа Раççей Федерацийĕн Президенчĕн Атăл çи федераллă округĕн полномочи представителĕ Михаил Бабич ячĕпе саламланă, Л. Кондратьева асăнмалăх парне тата чечек çыххи панă.
Çавăн пекех ветерансене Чăваш Ен сывлăха сыхлас ĕç тата социаллă аталану министрĕн çумĕ Александр Медюков, район администрацийĕ ячĕпе район администрацийĕн пуçлăхĕн çумĕ – капиталлă строительство тата обществăлла инфраструктурăна аталантарассин управленийĕн пуçлăхĕ Владимир Никитин саламланă.
Уяв саламĕ вăрçă çулĕсенчи вальс кĕввипе вĕçленнĕ.