27 апреля 2013 г.
2013 çулхи апрелĕн 19-мĕшĕнче Чăваш Республикин Пуçлăхĕ Михаил Игнатьев «Тăван çĕр-шывăн 1941 – 1945 çулсенчи Аслă вăрçинче Çĕнтерÿ тунăранпа 70 çул çитнине уявлассине хатĕрленсе ирттересси çинчен» Указа алă пуснă.
Указра 2014 – 2015 çулсенче Чăваш Республикин муниципалитет районĕсемпе хула округĕсенче Тăван çĕр-шывăн 1941 – 1945 çулсенчи Аслă вăрçинче Çĕнтерÿ тунăранпа 70 çул çитнине халалланă савăнăçлă мероприятисене граждансене, общество организацийĕсене анлăн хутшăнтарса йĕркелесе ирттерме кирлине палăртнă.
Çавна май ЧР Министрсен Кабинетне Аслă Çĕнтерÿ тунăранпа 70 çул çитнине уявлассине хатĕрленсе ирттерме йĕркелÿ комитетне туса хума, унăн йышне çирĕплетме, уяв мероприятийĕсен планне хатĕрлеме, вĕсемшĕн яваплисене çирĕплетме хушнă. Вăрçа хутшăннисен пурнăç условийĕсене лайăхлатасси, граждансене патритот воспитанийĕ парасси çине уйрăмах пысăк тимлĕх уйăрмалла.
2014 – 2015 çулсенче Чăваш Республикин республика бюджетĕнчен Тăван çĕр-шывăн 1941 – 1945 çулсенчи Аслă вăрçинче Çĕнтерÿ тунăранпа 70 çул çитнине уявлассине хатĕрленсе ирттерме палăртнă йĕркепе укçа-тенкĕ уйăрса хăварĕç.
Вырăнти хăй тытăмлăх органĕсемпе пĕрле çамрăксене çарпа патриот воспитанийĕ парас тата асăну музейĕсене, палăксемпе обелисксене, стелăсене, ытти асăну сооруженийĕсене сыхласа упрас, вĕсен таврашĕнчи вырăнсене тирпей-илем кĕртес ĕçсене вăйлатмалла.
Муниципалитет районĕсемпе хула округĕсен администрацийĕсене Аслă Çĕнтерÿ тунăранпа 70 çул çитнине уявлассине хатĕрленсе ирттерме мероприятисен планне çирĕплетме, йĕркелÿ комитечĕсем туса хума, йĕркелÿпе право тата харпăрлăх формине пăхмасăр мĕн пур организацисен ертÿçисене ĕç коллективĕсенче уява халалланă мероприятисем йĕркелесе ирттерме, вăрçă участникĕсене чыслама сĕннĕ.