08 декабря 2012 г.
Районти ĕçпе тивĕçтерекен центртан пĕлтернĕ тăрăх декабрĕн 6-мĕшĕ тĕлне районти предприятисемпе организацисенче пурĕ 176 ваканси пур.
Çулталăк пуçланнăранпа ĕç тупас ыйтупа центра 1206 çын пулăшу ыйтса пынă. Вĕсенчен ытларахăшĕ – 14–18 çулхи çамрăксем тата хĕрарăмсем. Пурĕ вара 1087 çынна ĕçпе тивĕçтерме май тупнă.
Кăçал ĕçсĕр виçĕ çынна, вĕсенчен пĕри инвалид, хăйсен ĕçне пуçарса яма 58800 тенкĕпе танлашакан субсидисем уйăрса панă. Тата тепĕр икĕ çын ĕç ушкăнĕ умĕнче хăйсен бизнес-проекчĕсене хÿтĕленĕ. Çапла вара çитес вăхăтрах вĕсене те хăйсен ĕçне пуçлама ĕçпе тивĕçтерекен центр 117,6 пин тенкĕ уйăрма пăхнă.
Н. ДИМИТРИЕВА.