05 декабря 2012 г.
Инвалидсен пĕтĕм тĕнчери кунĕ умĕн РФ Пенси фончĕн Чăваш Республикинчи уйрăмĕ инвалидсене пенси законодательствине ăнлантарса парассипе информаци марафонне ирттерессине пĕлтерчĕ.
Марафон çулталăка тăсăлать. Çав тапхăрта массăллă информаци хатĕрĕсем пресс-конференцисемпе пресс-турсем, инвалидсем валли интернет-конференцисем, видеоçыхăну мелĕпе консультацисем йĕркелеççĕ, вырăнсене тухса инвалидсене йышăнаççĕ, массăллă информаци хатĕрĕсенче материалсем пичетлеççĕ.
– Инвалидсем хăйсен прависем пирки пĕлсе тăни, вĕсемпе вăхăтлă усă курма пултарни пысăк пĕлтерĕшлĕ, – палăртрĕ РФ Пенси фончĕн Чăваш Республикинчи уйрăмĕн управляющийĕ Роза Кондратьева. – Çав тĕллевпе ирттеретпĕр те марафона.
Хальхи вăхăтра Пенси фончĕн республикăри уйрăмĕ 9,1 пин инвалида пенсисемпе уйăхсерен тĕрлĕ тÿлевсем парса тăрать. Граждансем пенси фончĕн районти управленийĕпе тÿрĕ лини телефонĕпе (62-8-91) çыхăнма пултараççĕ. Кирлĕ пур информацие Раççей Пенси фончĕн сайтĕнче (wwwĕpfrfĕru) вырнаçтарнă.
Пенси фончĕн районти управленийĕ.