21 ноября 2012 г.
Паян районта черетлĕ информаци кунĕ иртет. Района килекен ушкăнсен представителĕсем район администрацийĕн ответлă ĕçченĕсемпе тата федераллă структурăсен представителĕсемпе Муркаш, Мăн Сĕнтĕр, Оринин, Çатракасси, Шетмĕпуç, Хорнуй, Чуманкасси, Турай, Ярославка ял тăрăхĕсене çитме, ĕç коллективĕсемпе тĕл пулма, çынсене интереслентерекен ыйтусем çине хуравлама палăртаççĕ.
Информаци кунĕн теми – Чăваш Республикин экономикăпа социаллă пурнăç аталанăвĕн кăçалхи 9 уйăх итогĕсем çинчен, республикăн 2012 çулхи бюджет политики çинчен, Чăваш Республикин Пуçлăхĕ 2012 çулхи ноябрĕн 2-мĕшĕнче йышăннă 124 " «Чăваш Республикинче ялсенче пурăнакансене медицинăпа санитари пулăшăвĕ парассине çĕнетсе лайăхлатассин хушма мерисем çинчен» Указĕ, Чăваш Республикинче пирус туртнине чакарас тĕллевпе туса ирттермелли ĕçсем çинчен.