17 ноября 2012 г.
Ĕç шыракансене хăй вăхăтĕнче ĕç вырăнĕ тупса парасси, ĕç рынокĕнчи тăнăçлăха тивĕçтересси районти ĕçпе тивĕçтерекен центрăн тĕп здачисенчен пĕри пулса тăрать. Ку тĕлĕшпе ĕç вырăнĕсен вакансийĕсен ярмăрккисене ирттерни пысăк пĕлтерĕшлĕ. Çакă ĕçсĕррисен шутĕнче тăракан граждансене ĕç рынокĕнчи лару-тăрăва лайăхрах пĕлсе хаклама, вакансисем, ĕç паракансем, ĕçпе тивĕçтерессинчи патшалăх услугисем пирки туллинрех пĕлме май парать.
Кăçалхи 10 уйăх хушшинче районти ĕçпе тивĕçтерекен центр ĕç тата вĕренÿ вырăнĕсен 5 ярмăрккине ирттернĕ. Вăл шутра пенси ÿсĕмĕнчи тата пенсие тухма хатĕрленекен çынсем валли те.
Вакансисен 4 ярмăрккине пĕтĕмĕшле пĕлÿ паракан шкулсен представителĕсемпе çул çитмен 188 вĕренекен хутшăннă. Çул çитмен çамрăксене вăхăтлăх ĕçсене вырнаçтарнă. Кунсăр пуçне вакансисен ятарлă тематикăллă мини-ярмăрккине пенсие тухнă тата пенсие тухма хатĕрленекен граждансем валли йĕркеленĕ. Ярмăрккăна 2 организаци тата ĕçпе тивĕçтерекен центрта учетра тăракан 7 çын хутшăннă.
Хамăр инф.