Публикации » Чăваш Ен Пуçлăхĕн рейтингĕ ÿсет

10 ноября 2012 г.

Чăваш Республикин Пуçлăхĕ Федераци субъекчĕсен пуçлăхĕсен информаци уççăнлăхĕн рейтингĕнче октябрьте 17 позици таран хăпарнă. Çапла вара вăл 83 вырăнтан 18-мĕш вырăн йышăннă. «Мониторингăн наци служби» «Никама пăхăнман политика тĕпчевĕсен институчĕпе» пĕрле Раççей регионĕсен пуçлăхĕсен медиа-рейтингне информаци уççăнлăхне кура хатĕрленĕ. Рейтингра чи малти вырăнта Ингушети пуçлăхĕ Юнус-Бек Евкуров.

«Regnum» информаци агентствин пулăшăвĕпе усă курса «Петербург политики» фонд вара тăнăçлăх енĕпе рейтинг ирттернĕ. Кунта Чăваш Ен Пуçлăхĕ 10-мĕш вырăн йышăннă. Экспертсем Михаил Игнатьевăн рейтингĕ ÿснине республика парламенчĕн пур фракцийĕсене те хутшăнтарса экономика канашне туса хунипе, чăваш чĕлхин сумне ÿстерессипе правительство программа йышăннипе çыхăнтараççĕ.