Публикации » Вакцинаци пуçланчĕ

24 октября 2012 г.

Районти тĕп больницăран пĕлтернĕ тăрăх ку эрнере ача сачĕсене çÿрекенсене тата шкул ачисене «ГрипполÇ» вакцинăпа прививка тăвас ĕç пуçланнă. Района килнĕ 3200 доза вакцинăна участоксем тăрăх валеçсе панă. Çапла вара прививкăна участокри медицина ĕçченĕсем тăваççĕ.

Саккунпа килĕшÿллĕн 14 çул тултарман ачасене прививка тăвасси пирки ашшĕ-амăшĕнчен е вĕсен саккунлă представителĕсенчен килĕшÿ ыйтаççĕ. Аса илтеретпĕр, паянхи куна вакцина грипп чирне асăрхаттармалли чи вăйлă мел шутланать. «ГрипполÇ» вакцинăпа 3 çул тултарнисенчен пуçласа прививка тăваççĕ.

Н. Николаева.