13 октября 2012 г.
«Çулталăк çемйи» ятпа районта конкурс йĕркеленĕччĕ. Кăçал ку конкурса пĕтĕмпе 7 çемье хутшăнма кăмăл тунă. Октябрĕн 11-мĕшĕнче конкурс комиссийĕ тăратнă материалсене пăхса тухса итогсене пĕтĕмлетрĕ.
Комисси пĕр саслă пулса «Çулталăк çемйи» конкурсра Оринин ял тăрăхне кĕрекен Вăрманкассинче пурăнакан Оксана Валерьевнăпа Алексей Георгиевич Прокопьевсен çемйи мала тухнă тесе йышăнчĕ. Вĕсен республика конкурсне хутшăнмалла пулать.
Чуманкасси ял тăрăхĕнчи Светлана Леонидовнăпа Алексей Иванович Николаевсен çемйи «Чи туслă çемье» номинацире, Ярапайкасси ял тăрăхĕнчи Светлана Александровнăпа Вячеслав Владимирович Скворцовсен çемйи «Чи творчествăлла çемье» номинацире, Турай ял тăрăхĕнчи Ирина Михайловнăпа Дмитрий Юрьевич Пановсен çемйи «Социаллă чи ответлă çемье» номинацире, Çатракасси ял тăрăхĕнчи Надежда Германовнăпа Андрей Анатольевич Ивановсен çемйи «Чи ĕçчен çемье» номинацире, Катькас ял тăрăхĕнчи Надежда Александровнăпа Радим Петрович Мироновсен çемйи «Йăла-йĕркене упракан чи лайăх çемье» номинацире, Ярославка ял тăрăхĕнчи Олеся Витальевнăпа Алексей Николаевич Димитриевсен çемйи «Спортпа туслă çемье» номинацире палăрчĕç.
В. ШАПОШНИКОВ.