05 сентября 2012 г.
Район администрацийĕн пуçлăхĕн хушăвĕпе вырмара ял хуçалăх предприятийĕсенчи механизаторсем хушшинче конкурс ирттерекен комисси пĕтĕмлетĕвĕпе кăçалхи вырман иртнĕ эрнинчи ĕç пĕтĕмлетĕвĕпе «Путь Ильича» агрофирмăри Иван Владимирович ВАСИЛЬЕВ экипажĕ çĕнтернĕ. Вĕсем «АКРОС-530» комбайнпа условлă единицăпа 206,8 тонна тырă çапса тĕшĕленĕ. Экипаж 1000 тенкĕ укçан премие тивĕçнĕ.
Иккĕмĕш вырăнта А. Пихтеровăн хресчен (фермер) хуçалăхĕнчи Александр Васильевич МОРОЗОВ комбайнер экипажĕ. «Полесье-812» комбайнпа ĕçлесе вĕсем эрне хушшинче условлă единицăпа 204,4 тонна тырă çапса илме мехел çитернĕ. Экипажа 800 тенкĕ преми пама йышăннă.
Виççĕмĕш вырăна «Восток» хуçалăхри Сергей Валериянович НАУМОВ экипажĕ тухнă. Вĕсене «Енисей-1200» комбайнпа условлă единицăпа 201,3 тонна тырă пуçтарса кĕртнĕшĕн 500 тенкĕ преми илме свидетельство панă.